BAKI, 18 mart. TELEQRAF

Azərbaycan Premyer Liqasında XXV tura "Şamaxı" - "Araz-Naxçıvan" oyunu ilə start verilib.

Teleqraf xəbər verir ki, Şamaxı şəhər stadionunda baş tutan görüş Muxtar Respublika təmsilçisinin 1:0 hesablı qələbəsi ilə başa çatıb.

Baş hakim İnqilab Məmmədovun idarə etdiyi matçda "şirlər"in müdafiəçisi Vladislav Veremeyev 56-cı dəqiqədə avtoqol müəllifi olub.

Bununla da "Araz-Naxçıvan" xallarının sayını 39-a yüksəldərək 4-cü sırada qərarlaşan "Zirə"yə çatıb. "Şamaxı" 30 xalla səkkizincidir.

Qeyd edək ki, turun digər oyunları martın 19-21-də keçiriləcək.