BAKI, 8 mart. TELEQRAF
Bu gün Azərbaycan Premyer Liqasının XXIII turunun daha iki oyunu baş tutacaq.
Teleqraf xəbər verir ki, günün ilk matçı Şamaxı şəhər stadionunda təşkil olunacaq. Saat 15:00-da start götürəcək görüşdə yerli “Şamaxı” komandası “İmişli” kollektivini qəbul edəcək. Oyunun baş hakimi Vüqar Həsənli olacaq.
Digər oyunda isə “Qarabağ” və “Araz-Naxçıvan” komandaları üz-üzə gələcəklər. Tofiq Bəhramov adına Respublika stadionunda keçiriləcək görüşün start fiti saat 19:15 səslənəcək. Matçı Rəşad Əhmədovun rəhbərlik etdiyi hakimlər briqadası idarə edəcək.
Qeyd edək ki, turun digər oyunları martın 9-10-da keçiriləcək.
Azərbaycan Premyer Liqası
XXIII tur
8 mart
15:00. “Şamaxı” – “İmişli”
Hakimlər: Vüqar Həsənli, Pərvin Talıbov, Tərlan Talıbzadə, Emin Əliyev
VAR: Tural Qurbanov
AVAR: Asiman Əzizli
Hakim-inspektor: Ceyhun Haşımov
AFFA nümayəndəsi: Elçin Mehtiyev
Şamaxı şəhər stadionu
19:15. “Qarabağ” – “Araz-Naxçıvan”
Hakimlər: Rəşad Əhmədov, Elşad Abdullayev, Kərim Zeynalov, Kamranbəy Rəhimov
VAR: Rauf Cabarov
AVAR: Kamran Bayramov
Hakim-inspektor: İmanxan Sultani
AFFA nümayəndəsi: Seymur Səlimli
Tofiq Bəhramov adına Respublika Stadionu.
