BAKI, 14 iyul. TELEQRAF

İngiltərənin "Çelsi" klubunun mətbuat xidməti sosial şəbəkələrdə FIFA Klublararası Dünya Çempionatının mükafatlandırılma mərasimindən redaktə edilmiş foto dərc edib.

Teleqraf xəbər verir ki, mərasimdə iştirak edən və birinci sırada dayanan ABŞ Prezidenti Donald Tramp dərc edilmiş fotodan silinib.

Düzəliş edilmiş versiyada Tramp oyunçuların arxa planına keçib.

Qeyd edək ki, iyulun 13-də "Çelsi" klublararası dünya çempionatının finalında PSJ-ni (Fransa) 3:0 hesabı ilə məğlub edib.