
BAKI, 17 mart. TELEQRAF
Abdullah Zubir “Qarabağ”da 300-cü oyununu keçirib.
Teleqraf xəbər verir ki, fransalı yarımmüdafiəçinin yubileyi Azərbaycan Premyer Liqasının XXVII turuna təsadüf edib.
O, “Kəpəz”lə səfər görüşünün (0:0) 61-ci dəqiqəsində meydana çıxıb. 33 yaşlı legioner Ağdam klubunda keçirdiyi 300 matçda 66 qola imza atıb.
Qeyd edək ki, Abdullah Zubir 2018/19 mövsümündən “Qarabağ”da forma geyinir. Onun debütü 2018-ci il iyulun 11-də UEFA Çempionlar Liqasının “Olimpiya” ilə Sloveniyadakı matçında (1:0) gerçəkləşib. O, 7 il ərzində 179 (46 qol) çempionat, 23 (5 qol) kubok və 98 (15 qol) avrokubok qarşılaşmasında iştirak edib.