BAKI, 16 sentyabr. TELEQRAF
Böyük Britaniyanın Baş naziri Endi Bernem gələn həftə ABŞ Prezidenti Donald Trampla ilk dəfə üz-üzə görüşəcək.
Teleqraf xəbər verir ki, bu barədə “The Times” qəzeti məlumat yayıb.
Nəşrin məlumatına görə, görüş sentyabrın 22-də Nyu-Yorkda BMT Baş Assambleyasının sessiyası çərçivəsində keçiriləcək.
Danışıqlar zamanı Ukraynadakı vəziyyət, Yaxın Şərqdə baş verən proseslər və enerji məsələlərinin müzakirəsi nəzərdə tutulur.
“The Times” xatırladır ki, Bernem daha əvvəl digər Avropa liderləri ilə birlikdə Trampı Ukraynaya “Patriot” hava hücumundan müdafiə sistemləri üçün raketlər verməyə razı salmağa çalışacağını bildirmişdi.
Bernem iyulun sonlarında hökumət başçısı olduqdan sonra Trampla iki dəfə telefonla danışıb.
