BAKI, 15 iyul. TELEQRAF
NATO-nun Ankarada keçirilən sammitində razılaşdırılmış Ukraynaya iki illik dəstəyə Almaniyanın töhfəsi təxminən 23 milyard avro təşkil edəcək. Bu məbləğ 2026 və 2027-ci illər üçün federal büdcədə Ukraynaya hərbi yardım üçün nəzərdə tutulub.
Teleqraf xəbər verir ki, bu barədə Almaniya hökumətinin mətbuat xidməti məlumat yayıb.
Bildirib ki, bu il və gələn il təkcə Ukraynaya hərbi dəstək imkanlarının artırılması təşəbbüsünün büdcəsi təxminən 23 milyard avro təşkil edir. Beləliklə, bu vəsaitlər Ukraynaya dəstəkdə Almaniyanın payını təşkil edəcək və bu barədə qərar NATO sammitində qəbul edilib.
Həmçinin qeyd olunur ki, Rusiyanın Ukraynaya qarşı tammiqyaslı müharibəsinin başlanğıcından bəri Almaniya Ukraynaya təxminən 55,5 milyard avro hərbi yardım, eləcə də mülki sahədə 41 milyard avro dəstək göstərib və ya planlaşdırıb.
Bundan əlavə, Almaniya hökuməti mülki tədbirləri maliyyələşdirir və ölkədə sığınacaq tapmış ukraynalıların Almaniyada qalması ilə bağlı xərcləri ödəyir.
