Rusiya Qara dənizdə üç ticarət gəmisinə zərbələr endirib.
Teleqraf xəbər verir ki, bu barədə Odessa vilayətinin rəhbəri Oleq Kiperin "Telegram"dakı açıqlamasında bildirib.
Kiperin məlumatına görə, Rusiya Qara dənizdə mülki gəmiləri hədəf almağa davam edir.
"Təcavüzkarın növbəti hədəfi Tanzaniya və Liberiya bayraqları altında dəniz dəhlizi boyunca hərəkət edən iki ticarət gəmisi idi. Hücum nəticəsində gəmilərdən birinin kapitanı həlak oldu", - deyə rəsmi qeyd edib.
Kiper əlavə edib ki, 11 dənizçidən ibarət heyət sahilə təxliyə edilib, onlardan üçü yaralanıb.
