BAKI, 16 iyun. TELEQRAF

ABŞ NATO qarşısında götürdüyü bəzi hərbi öhdəlikləri azaltmaq qərarı verib.

Teleqraf xəbər verir ki, Almaniyanın "Frankfurter Allgemeine Zeitung" (FAZ) qəzetinin NATO-dakı mənbələrə istinadən yaydığı məlumata görə, Vaşinqton alyansa aviadaşıyıcı zərbə qrupunu, strateji bombardmançı təyyarələr birləşməsini və 50-dən çox qırıcı təyyarəni təqdim etməkdən imtina edib.

Nəşrin yazdığına görə, ABŞ-nin bu qərarı NATO üzvü olan bir çox ölkələr üçün gözlənilməz olub və müttəfiqlər arasında narahatlıq yaradıb.

Məlumatda qeyd olunur ki, Vaşinqtonun addımı alyans daxilində ABŞ-nin gələcək hərbi iştirakına dair sualları daha da artırıb.

Bundan əvvəl "Bloomberg" agentliyi Avropa ölkələrinin NATO çərçivəsində ABŞ-nin hərbi dəstəyinin azalmasına hazırlaşdığı barədə məlumat yaymışdı.