BAKI, 18 mart. TELEQRAF
ABŞ Hərbi Hava Qüvvələrinə məxsus Nyu-Meksiko ştatındakı Holloman bazasında baş verən atışma nəticəsində bir nəfər ölüb, bir nəfər yaralanıb.
Teleqraf xəbər verir ki, bu barədə "Associated Press" məlumat yayıb.
Məlumata görə, hadisə yerli vaxtla saat 17:30 radələrində baş verib. Yaralanan şəxsə tibbi yardım göstərilir. Hazırda hərbi obyekt ərazisində əlavə təhlükənin olmadığı bildirilir.
Hadisənin iştirakçıları və baş vermə səbəbləri barədə hələlik məlumat verilməyib.
