BAKI, 1 fevral. TELEQRAF
İran ABŞ administrasiyası ilə danışıqlara yalnız tərəflər arasında etibar bərpa olunduqda hazırdır.
Teleqraf xəbər verir ki, bu barədə İranın xarici işlər naziri Abbas Əraqçi CNN-ə verdiyi müsahibədə bildirib.
“Məzmunlu danışıqlar etibara əsaslanmalıdır, lakin təəssüf ki, ABŞ-yə danışıqlar tərəfdaşı kimi etibarımızı itirmişik. Bu etibarsızlığı aradan qaldırmaq lazımdır. Hazırda bölgədəki dost ölkələrin vasitəçiləri bu etibarı gücləndirməyə çalışır. Bu çətindir, amma cəhdlər var, ona görə də ABŞ danışıqlar qrupu Prezident Trampın sözlərinə əməl edərsə, yeni danışıqlara imkan var”, - o deyib.
Əraqçi həmçinin təsdiqləyib ki, hazırda Tehran və Vaşinqton vasitəçilər üzərindən mesaj mübadiləsi aparır.
