BAKI, 6 mart. TELEQRAF
Çeçenistanın rəhbəri Ramzan Kadırov atası Axmat Kadırovun məzarı başında qisas andı içməsindən danışıb.
Teleqraf xəbər verir ki, bu barədə R.Kadırov Telegram kanalında məlumat verib.
Çeçenistan liderinin sözlərinə görə, atasının qatilindən qisas alacağına and içibmiş.
O, qatil Süleyman İmurzayev öldürülənə qədər atasının kreslosunda oturmayıb.
Çeçenistan rəhbərinin atası 2004-cü ildə Qroznunun “Dinamo” stadionunda baş verən terror aktı zamanı həlak olub. Hadisəni də məhz İmurzayev təşkil edib.
A.Kadırovun qatili 2007-ci ilin aprelin 4-də Çeçenistan Daxili İşlər Nazirliyinin keçirdiyi xüsusi əməliyyat nəticəsində məhv edilib.
“O vaxtdan bəri 4 aprel mənim üçün qan davasının ağır yükünün çiynimdən qaldırıldığı gündür”, - deyə Çeçenistan rəhbəri fikrini tamamlayıb.
