BAKI, 5 aprel. TELEQRAF
ABŞ-də Donald Trampın yenidən hakimiyyətə gəlməsi və Avropanın illərlə əsas tərəfdaşı olmuş Vaşinqtonun xarici siyasətinin kəskin dəyişməsi yeni dünya nizamının artıq formalaşdığını göstərir.
Teleqraf xəbər verir ki, bu barədə Avropa Parlamentində ən böyük fraksiya olan Avropa Xalq Partiyasının sədri Manfred Veber açıqlama verib.
Onun sözlərinə görə, artıq “köhnə Amerika”nın geri qayıtmasına ümid yoxdur və indi ABŞ onları tərəfdaşdan çox rəqib kimi görür.
Veber Tramp administrasiyasının ticarət siyasətinə toxunaraq qeyd edib ki, bu xəttin ABŞ ilə Avropa arasında açıq qarşıdurmaya səbəb olduğunu inkar etmək mümkün deyil.
Siyasətçi Avropanın ABŞ ilə eyni güc çəki dərəcəsində olduğunu və təzyiqlərə boyun əyməyəcəyini vurğulayıb.
O, ittifaqı təşəbbüsü ələ almağa və Tramp siyasətinə qarşı çıxan digər ölkələrlə ticarət sazişləri bağlamağa çağırıb.
