BAKI, 5 aprel. TELEQRAF

Tayvan silahlı qüvvələri Çin Xalq Azadlıq Ordusunun 12 təyyarə və 6 gəmisinin son 24 saat ərzində adaya yaxınlaşdığını qeydə alıb.

Teleqraf xəbər verir ki, bu barədə Tayvan Müdafiə Nazirliyinin X sosial şəbəkə səhifəsindəki paylaşımda qeyd olunub.

Bildirilir ki, 12 təyyarədən 9-u Tayvan boğazı üzərindən orta xətti keçərək Tayvanın cənub-qərb və şərq hava hücumundan müdafiə zonalarına daxil olub.

Müdafiə Nazirliyinin açıqlamasında vəziyyətin izlənildiyi və lazımi cavabın verildiyi vurğulanıb.

Aprelin 1-də Çin ordusu Tayvan ətrafında hərtərəfli təlimlərə başlayıb .