BAKI, 5 aprel. TELEQRAF

İran Prezidenti Məsud Pezeşkian Antarktidaya lüks səyahətə getdiyi məlum olan köməkçisi Şəhram Debiri vəzifəsindən uzaqlaşdırıb.

Teleqraf xəbər verir ki, bu barədə prezidentin ofisi məlumat yayıb.

İranda xalqın iqtisadi çətinliklərlə mübarizə apardığı bir dövrdə Debirin bu hərəkəti sərt şəkildə tənqid edilib və Pezeşkianın onun işdən çıxarılmasına dair sərəncam imzaladığı bildirilib.

Qeyd olunub ki, xalq üzərindəki iqtisadi təzyiqlərin hələ də yüksək olduğu İranda rəsmi şəxslərin şəxsi xərclər hesabına belə olsa bahalı əyləncə səyahətləri etməsi müdafiə oluna və ya haqlı göstərilə bilməz.