BAKI, 5 aprel. TELEQRAF

"Akademik Milli Dram Teatrında teatrdan, sənətdən başqa nə söhbət istəyirsən gedir. Mehriban Ələkbərzadə ilə işləmək qismət olmasa da, nə qədər tələbkar olduğunu bilirəm, rejissor isə səhnənin Allahıdır, istədiyini verməli, tələblərinə uyğun gəlməli, ya da yer dəyişməlisiniz".

Teleqraf xəbər verir ki, bunu aktyor Kamran Ağabalayev Akademik Milli Dram Teatrının bədii rəhbəri, rejissor Mehriban Ələkbərzadə haqqında qeyd edib.

"Teatrın adı çəkiləndə nə sənət xəbəri var, nə resenziya, nə də teatr adına nəsə bir şey. Rejissorun istəyi ilə truppa da dəyişə bilər. Əməkdar və xalq artistləri var ki, 30 ildir səhnəyə çıxmırlar və kimlərinsə yerini tutublar, amma bu problem sayılmır? Aktyor rejissorun tələbinə uyğun gəlmirsə, bu problemə çevrilir? Tamaşaçı kimi Mehriban Ələkbərzadəyə səbr, teatra yeni tamaşalar arzulayıram. Vallah teatrda işləmək kimi nə arzum var, nə də vaxtım var, amma yaxşı tamaşaya baxmağa vaxt taparam",- deyə K.Ağabalayev söyləyib.

Qeyd edək ki, Məsməxanım Ağaverdiyeva bu gün Akademik Milli Dram Teatrının bədii rəhbəri Mehriban Ələkbərzadənin 20 Yanvar şəhidlərinə hörmətsizlik etdiyini iddia edib və bununla bağlı ictimaiyyətə məktub ünvanlayıb.