BAKI, 5 aprel. TELEQRAF
Ukrayna prezidenti Volodimir Zelenski yeraltı sərvətlərə dair sazişin detalları barədə məlumat sızdıran şəxsi müəyyənləşdirmək üçün araşdırma aparılmasını əmr edib.
Teleqraf xəbər verir ki, bu barədə “Financial Times” (FT) məlumat yayıb.
Qeyd olunub ki, məlumat sızması Ukrayna parlamentinin deputatlarından birinin sazişin detalları barədə məlumat yayması nəticəsində baş verib.
Volodimir Zelenski deputata məlumat sızdıran şəxsi tapmaq üçün xüsusi cihazdan istifadə edilməsini tapşırıb.
Artıq bir neçə nazirlikdən olan əməkdaşlar yalan detektoru vasitəsilə yoxlanılıb.
