BAKI, 5 aprel. TELEQRAF

“İctimaiyyətə təqdim etdiyim məktuba görə, səhəri xəstəxanada açdım. Məktubu dünən axşam yazdım, amma bu gün xəstəxanadan çıxandan sonra rəsmi instaqram səhifəmdə paylaşdım”.

Bunu Teleqraf-a açıqlamasında Əməkdar artist Məsməxanım Ağaverdiyeva Akademik Milli Dram Teatrının bədii rəhbəri, rejissor Mehriban Ələkbərzadə haqqında ictimaiyyətə təqdim etdiyi məktubdan danışarkən deyib.

“Məktubdan sonra Mehriban Ələkbərzadədən və teatrdan hər hansı reaksiya yoxdur. Mənim öhdəmə nə düşdü etdim və bu, şəhid qızı kimi borcum idi”,- deyə M.Ağaverdiyeva söyləyib.

Qeyd edək ki, Məsməxanım Ağaverdiyeva Mehriban Ələkbərzadənin 20 Yanvar şəhidlərinə hörmətsiz yanaşdığını iddia edib və bununla bağlı ictimaiyyətə məktub ünvanlayıb.