BAKI, 5 aprel. TELEQRAF
Avropa liderləri bir gün Rusiyayla əlaqələrin normallaşdırılmasının zəruri olacağı qənaətindədirlər.
Teleqraf xəbər verir ki, bu barədə Finlandiya prezidenti Aleksander Stubb “Die Welt” qəzetinə verdiyi müsahibədə danışıb.
"Avropanın yaxın gələcəkdə Rusiyayla yaxınlaşmaq planı olacaqmı?" sualına cavab olaraq Stubb bildirib ki, bu, uzunmüddətli perspektivdə mümkündür.
"Bu məsələ Ukraynada atəşkəsin əldə olunmasından və sülh danışıqlarının başlamasından asııdır", - prezident vurğulayıb.
Stubb eyni zamanda, Finlandiyanın Rusiya tərəfindən birbaşa hərbi təhdid görmədiyini diqqətə çatdırıb.
