BAKI, 5 aprel. TELEQRAF

NATO-nun baş katibi Mark Rutte ABŞ prezidenti Donald Trampın tətbiq etdiyi yeni rüsumların hərbi alyansa heç bir təsir etmədiyini bildirib.

Teleqraf xəbər verir ki, bu barədə o, CBS telekanalına verdiyi müsahibə zamanı danışıb.

Onun sözlərinə görə, potensial ticarət müharibəsi Avropa ölkələrinin müdafiə xərclərinə və NATO qarşısında üzərlərinə düşən öhdəlikləri yerinə yetirmələrinə heç bir təsir göstərməyəcək.

Xatırladaq ki, 2 aprel tarixində Tramp bir çox ölkədən idxal edilən mallara qarşı gömrük rüsumlarının tətbiq edildiyini açıqlayıb və Avropa İttifaqı (Aİ) üçün tariflərin 20% olacağını bəyan edib.