BAKI, 2 aprel. TELEQRAF

Rusiya keçən il ilk dəfə olaraq xarici kütləvi informasiya vasitələrinin fəaliyyətinə qadağa qoyub. Bu, Rusiya mediasına qarşı xaricdə tətbiq edilən məhdudiyyətlərə cavab olaraq həyata keçirilib.

Teleqraf xəbər verir ki, bu barədə Rusiya Baş Prokuroru İqor Krasnov Federasiya Şurasında verdiyi illik hesabatda bildirib.

“81 xarici nəşrin ölkə ərazisində fəaliyyətinə qadağa qoyulub və onların informasiya resurslarına giriş məhdudlaşdırılıb”,- o qeyd edib.

Krasnov bildirib ki, 71 xarici və beynəlxalq təşkilatın fəaliyyətinin arzuolunmaz kimi tanındığını və 3 terror təşkilatının və onların 172 bölməsinin fəaliyyətinin qadağan edildiyini açıqlayıb.

Hesabatda siyahıya salınan media qurumları, xarici və beynəlxalq təşkilatlar barədə məlumat verilmir.