Bakı, 3 aprel. TELEQRAF

Azərbaycanda səfərdə olan Venesuela Bolivar Respublikası Milli Asambleyasının sədr müavini, Venesuela-Azərbaycan parlamentlərarası işçi qrupunun sədri Amerika Perez başçılıq etdiyi nümayəndə heyəti Ümummilli Lider Heydər Əliyevin xatirəsin yad edib.

Bu barədə Teleqraf-a Milli Məclisin Mətbuat və ictimaiyyətlə əlaqələr şöbəsindən məlumat verilib.

Səfər çərçivəsində nümayəndə heyəti Bakıda Zəfər parkını da ziyarət edərək abidə önünə gül dəstələri düzüb.

Qonaqlara Azərbaycan xalqının Vətən müharibəsində qazandığı möhtəşəm tarixi Zəfərin yaddaşlarda yaşadılması, şəhidlərimizin əziz xatirəsinin əbədiləşdirilməsi məqsədilə yaradılmış Zəfər parkı barədə ətraflı məlumat verilib.

Ziyarət zamanı nümayəndə heyətini Milli Məclisin deputatı, Azerbaycan-Venesuela parlamentlərarası əlaqələr üzrə işçi qrupunun rəhbəri Tamam Cəfərova və digər rəsmi şəxslər müşayiət ediblər.