BAKI, 3 aprel. TELEQRAF

“Sabah” futbol komandası Azərbaycan Kubokunda 40-cı qolunu vurub.

Teleqraf Peşəkar Futbol Liqasının rəsmi saytına istinadən xəbər verir ki, yubiley topuna Pavol Şafranko imza atıb.

Slovakiyalı hücumçu yarımfinalın “Neftçi” ilə ilk oyununda komandasının 2-ci qolunun müəllifi olub.

Paytaxt təmsilçisi 40-ci topu 21-ci matçında vurub. Bunlardan 18-i evdə, 22-si səfərdə qeydə alınıb.

2:1 hesabı ilə qalib gələn “Sabah” 11-ci səfərində 5-ci qələbəsini də qazanıb.

Qeyd edək ki, "Sabah" ilk kubok görüşünə 2017/2018 mövsümündə çıxıb.