BAKI, 25 fevral. TELEQRAF

2022-ci il fevralın 24-dən 2025-ci il fevralın 25-dək Ukraynada Rusiya qoşunlarının ümumi döyüş itkiləri təxminən 869 530 nəfər təşkil edir. Ötən gün isə daha 1300 rus əsgəri öldürülüb.

Teleqraf xəbər verir ki, bu barədə Ukrayna Silahlı Qüvvələrinin Baş Qərargah rəisi "Facebook"da paylaşım edib.

Rusiya-Ukrayna müharibəsində Moskvanın bu günə qədərki itkiləri barədə də məlumat verilib: 370 hərbi təyyarə, 331 vertolyot, 10 187 tank, 23 678 artilleriya, 3 064 raket, 1 085 hava hücumundan müdafiə sistemi və s.