BAKI, 14 fevral. TELEQRAF

Polşanın Baş naziri Donald Tusk Ukrayna Prezidenti Volodimir Zelenski və bir sıra Avropa liderləri ilə sülh danışıqlarını müzakirə edib.

Teleqraf xəbər verir ki, bu barədə Baş nazir "X" sosial şəbəkəsindəki səhifəsində məlumat verib.

Onun sözlərinə görə, Kiyev, Brüssel və Vaşinqton Rusiya-Ukrayna münaqişəsinin həlli üçün danışıqlara başlamaq üçün birləşməlidirlər.

"Bu gün Zelenski, Avropa Şurasının prezidenti Antonio Kosta, Almaniya kansleri Olaf Şolts, İsveçin Baş naziri Ulf Kristersson və Almaniya Xristian Demokrat Partiyasının lideri Fridrix Merzlə telefon danışıqlarımdan sonra mesaj aydın oldu: Ukrayna, Avropa və ABŞ birləşməli və sülh danışıqlarına başlamalıdır", - Polşanın Baş naziri yazıb.