TBİLİSİ, 23 aprel. TELEQRAF

“Gürcüstan bundan sonra da bölgədə sülhün qurulması prosesinə öz töhfəsini verəcək”.

Teleqraf-ın yerli bürosu xəbər verir ki, bunu Gürcüstan Prezidenti Mixeil Kavelaşvili ATƏT-in Baş katibi Feridun Sinirlioğlu ilə keçirdiyi görüşdə deyib.

Görüşdə Gürcüstan-ATƏT əməkdaşlığı və onun dərinləşdirilməsi perspektivləri, həmçinin Cənubi Qafqaz regionunda mövcud vəziyyət və Gürcüstanın qarşısında duran vəzifələr müzakirə olunub.

Tərəflər regionda sülh və sabitliyin vacibliyinə xüsusi diqqət yetiriblər.