BAKI, 20 iyun. TELEQRAF

Böyük Britaniya Baş naziri Kir Starmer tezliklə vəzifəsində qalıb-qalmayacağına qərar verəcək.

Teleqraf xəbər verir ki, bu barədə “The Times” mənbələrə istinadla məlumat yayıb.

Starmer baş nazir postunda qalmaq istəyini açıq şəkildə bildirsə də, müttəfiqləri ilə şəxsi söhbətlərində hakim Leyborist Partiyasının bir çox üzvünün onun istefasını istədiyini etiraf edib.

Nəşrin məlumatına görə, Baş nazir istefası ilə bağlı qərarı həftəsonu həyat yoldaşı Viktoriya və digər ailə üzvləri ilə danışdıqdan sonra verəcək.

Kir Starmer iyunun 19-da Böyük Mançester meri Endi Börnemin Lordlar Palatasına (Britaniya aarlamentinin aşağı palatası) keçirilən əlavə seçkilərdə qalib gəlməsindən sonra könüllü olaraq istefa verməyəcəyini açıqlamışdı.

Leyboristlər Partiyasının sol qanadının dəstəyini itirdiyi üçün Börnemin Starmerə liderlik uğrunda meydan oxuya biləcəyi barədə fikirlər var.