BAKI, 2 aprel. TELEQRAF

Türkiyə daxili işlər naziri Ali Yerlikaya müxalif Cümhuriyyət Xalq Partiyasının (CHP) sədri Özgür Özəlin yerli malların boykot edilməsi çağırışına reaksiya verib.

Teleqraf xəbər verir ki, nazir bunu “çevriliş cəhdi” adlandırıb.

“Bu çağırış iqtisadi müstəqilliyimizə qarşı təxribatıdır. Bu boykot çağırışı minlərlə insanın çörəyi ilə oynamaq deməkdir. Bu çağırış milli iqtisadiyyatımıza sui-qəsddir, öz xalqımızın çörəyini əlindən almaq, iqtisadiyyatımıza qarşı çevriliş cəhdidir.

Biz boykotla deyil, istehsalla böyüyürük. Türkiyə Cümhuriyyəti hüquqi dövlətdir, onu hədə-qorxu ilə, barmaq silkələməklə, küçə aksiyaları və ya boykot çağırışları ilə əymək mümkün deyil. Ölkəmizdən partiyadaxili davalarınız üçün alət kimi istifadə etməyin”, - nazir bildirib.