BAKI, 4 mart. TELEQRAF

Hələlik ABŞ tərəfindən Ukraynaya kəşfiyyat məlumatlarının ötürülməsində heç bir dəyişiklik baş verməyib. Bu əməkdaşlıq xətti silah təminatından fərqlidir.

Teleqraf xəbər verir ki, bu barədə “RBC-Ukrayna” telekanalına hərbi-siyasi dairələrdən məlumat verib.

“Kəşfiyyat məlumatlarının ötürülməsi və ya mübadiləsinə gəlincə, Ukrayna hakimiyyəti burada hələ heç bir dəyişiklik hiss etməyib, hər şey əvvəlki kimidir”, - qurumdan kanala bildirilib.

“The Economist” qəzetinin jurnalisti Oliver Kerroll da X sosial media səhifəsində yazıb ki, kəşfiyyat məlumatlarının ötürülməsi və ya ABŞ-nin hərbi dəstəyinin hər hansı digər əsas aspektində heç bir dəyişiklik olmayıb.

“Tərəfdaşlarımız bizə heç bir rəsmi qərarın olmadığını dedilər”, - jurnalist qeyd edib.

Xatırladaq ki, bundan əvvəl “Reuters” və “Bloomberg” agentlikləri ABŞ Prezidenti Donald Trampın Ukraynaya hərbi yardımın dayandırılması barədə göstəriş verdiyi barədə məlumat yayıb.