BAKI, 24 iyul. TELEQRAF

Qırğızıstan Prezidenti Sadır Japarov cinayət işlərinə xitam verilməsi prosedurunu dəyişdirən və hərbi qulluqçulara sığorta ödənişi qaydalarını dəqiqləşdirən qanun imzalayıb.

Teleqraf xəbər verir ki, bundan sonra cinayət işinə baxılması üçün təqsirləndirilən şəxsin təqsirini təsdiq edən məhkəmə qərarı tələb olunarsa, ona xitam verilə bilməz.

Əgər belə bir iş artıq xitam verilibsə, yenidən açıla bilər. Bundan əlavə, qanun cinayət işinə xitam verildikdən sonra qabaqlayıcı tədbirlərin, vəzifədən müvəqqəti kənarlaşdırmanın və digər məhdudiyyətlərin ləğvi prosedurunu dəqiqləşdirir.

Dəyişikliklər hərbi sığortaya da təsir edib. Yeni qaydalara əsasən, ölüm və ya xəsarət cinayət nəticəsində baş verərsə və hərbçinin günahı məhkəmənin yekun qərarı ilə təsdiqlənərsə, sığorta ödənişləri həyata keçirilməyəcək.