BAKI, 12 may. TELEQRAF

“Rusiyanın Ukraynadakı xüsusi hərbi əməliyyatı (müharibə - red.) istənilən an başa çata bilər”.

Teleqraf xəbər verir ki, bunu Kremlin sözçüsü Dmitri Peskov deyib.

“Kiyev qərar verərsə, xüsusi hərbi əməliyyat istənilən an dayana bilər. O, (şərtin) nə olduğunu bilir”, - Rusiya rəsmisi qeyd edib.

Kreml nümayəndəsi hansı şərt və ya qərardan danışdığını dəqiqləşdirməyib.

Dmitri Peskov Rusiya Prezidenti Vladimir Putinlə ukraynalı həmkarı Volodimir Zelenski arasında mümkün görüşə də toxunub:

“Putin Zelenski ilə Moskvada və ya başqa yerdə görüşməyə hazır olduğunu artıq bəyan edib”.