BAKI, 13 noyabr. TELEQRAF
ABŞ Prezidentinin nümayəndəsi Stiv Uitkoff və Cared Kuşner Rusiya ilə Ukrayna arasında əsir mübadiləsinə hazırlıq işlərində iştirak edirlər.
Teleqraf xəbər verir ki, bu barədə Ağ Evin mətbuat katibinin müavini Anna Kellinin X-də yazıb.
"Əbu-Dabidə üçtərəfli danışıqlar və Rusiya-Ukrayna ikitərəfli təmaslarından sonra Uitkoff və Kuşner gələcək məsləhətləşmələrdə Avropa tərəfdaşlarının iştirakını təmin etdilər. Hazırda onlar əsir mübadiləsi üzərində işə başlayıblar", - məlumatda qeyd olunur.
Rusiya, ABŞ və Ukrayna arasında danışıqlar 10-11 noyabr tarixlərində Əbu-Dabidə baş tutub. Rusiya nümayəndə heyətinə Prezidentin köməkçisi Vladimir Medinski, Ukrayna nümayəndə heyətinə isə Xarici Kəşfiyyat Xidmətinin rəisi Rüstəm Umerov rəhbərlik edib. Danışıqlar masasında həmçinin Uitkoff və Kuşner, NATO-nun Avropadakı Müttəfiq Qüvvələrinin Ali Baş Komandanı Aleksus Qrinkeviç və BƏƏ-nin xarici işlər naziri Abdullah bin Zayed Əl Nəhyan da olub.
