BAKI, 29 dekabr. TELEQRAF

Qırğızıstan Prezidenti Sadır Japarov keçmiş dövlət başçısı Almazbek Atambayevi bütün dövlət mükafatlarından məhrum edib.

Teleqraf xəbər verir ki, bu barədə Qırğızıstan liderinin mətbuat xidməti məlumat yayıb.

Keçmiş prezident ən yüksək mükafat olan “Qırğızıstan qəhrəmanı”, 2-ci dərəcəli “Manas” ordeni, “Danaker” ordeni və "Dənk" medalından məhrum edilib.

Atambayev 2011-2017-ci illərdə Qırğızıstan prezidenti vəzifəsində çalışıb, bundan sonra rəsmi olaraq siyasətdə fəal iştirak etməyib. 2019-cu ildə saxlanılıb. Bir neçə cinayətdə ittiham olunub. Bu ittihamların bəzilərindən bəraət alıb, digərləri üçün isə həbs cəzasına məhkum edilib. Atambayev azadlığa buraxılmazdan əvvəl üç ildən çox həbsxanada qalıb, çıxdıqdan sonra dərhal ölkəni tərk edib. Rəsmi versiyaya görə, müalicə üçün İspaniyaya gedib və orada qalıb.

2026-cı ildə Qırğızıstanın keçmiş prezidenti yenidən qiyabi olaraq 11,5 il həbs cəzasına məhkum edilib.