BAKI, 10 aprel. TELEQRAF

“ABŞ-İran danışıqlarının müsbət yekunlaşacağına ümid edirik”.

Teleqraf xəbər verir ki, bunu ABŞ-nin vitse-prezidenti Ceyms Devid Vens İran danışıqlar üçün Pakistana səfərə gedərkən jurnalistlərə deyib.

“Ümid edirik ki, danışıqlar müsbət olacaq. Əgər iranlılar xoş niyyətlə hərəkət etsələr, biz də onlara kömək əlimizi uzadacağıq”, - o bildirib.

Vens ABŞ Prezidenti Donald Trampdan İranla danışıqlarla bağlı dəqiq təlimatlar aldığını da söyləyib:

“Danışıqları müsbət şəkildə aparmağa çalışacağıq. Prezident bizə kifayət qədər aydın təlimatlar verib”.

Vitse-prezident əlavə edib ki, İran bəhanələrlə danışıqları uzatmağa çalışsa, ABŞ-nin adekvat addımları ilə üzləşəcək: “Əgər iranlılar bizi aldatmağa çalışsalar, əməkdaşlıq olmayacaq, geri çəkilməyəcəyik. Prezident bizə danışıqlar üçün əsas istiqamətləri göstərib”.

Ceyms Devid Vens İranla konstruktiv danışıqların aparılacağına ümid etdiyini bildirib: “Danışıqları səbirsizliklə gözləyirik. Düşünürəm ki, onlar konstruktiv olacaqlar”.