BAKI, 4 aprel. TELEQRAF

ABŞ Prezidenti Donald Trampın ətrafı ona Ukraynada tam atəşkəsə razılaşana qədər rusiyalı həmkarı Vladimir Putinə zəng etməməyi tövsiyə edir.

Teleqraf xəbər verir ki, bu barədə “NBC News” öz mənbələrinə istinadla məlumat yayıb.

Amerika rəsmilərinin sözlərinə görə, hələlik iki ölkə liderləri arasında heç bir zəng planlaşdırılmayıb. Amma Trampın hər an Putinlə danışmaq qərarına gələ biləcəyi də qeyd olunur.

“Trampa deyilib ki, Putin Ağ Evə Ukrayna ilə müharibədə tam atəşkəslə razılaşdığını söyləməsə, telefon danışığı ən yaxşı fikir olmayacaq”, - məlumatda vurğulanır.