BAKI, 22 iyul. TELEQRAF

ABŞ İranla münaqişəni diplomatik yolla həll etməyə və yeni razılaşma əldə etməyə çalışır.

Teleqraf xəbər verir ki, bu barədə ABŞ dövlət katibi Marko Rubio bəyan edib.

"ABŞ diplomatik nizamlanmaya nail olmağı çox istəyir. İranın heç vaxt nüvə silahına malik olmayacağına zəmanət verən razılaşma əldə etmək istərdik. Onların artıq terrorizmi maliyyələşdirməyəcəklərini və nüvə silahı, yaxud onun inkişafı üçün zəruri olan vasitələri yaratmağa çalışmayacaqlarını bəyan edəcəkləri müqavilə bağlamaqdan məmnun olarıq", - o qeyd edib.

Marko Rubio İranın bu cür şərtlərə razılaşmağa hazır olduğuna şübhə ilə yanaşdığını vurğulayıb. Dövlət katibi Tehranı Vaşinqtonla iyun ayında imzalanmış qarşılıqlı anlaşma memorandumunda əksini tapan razılaşmaları pozmaqda ittiham edib.