BAKI, 4 aprel. TELEQRAF

"Atamın səhhətində irəliləyiş yoxdur. Həkimlər deyirlər ki, yaşamaq şansı azdır".

Bunu Teleqraf-a Yeni Klinikanın Reanimasiya şöbəsində yerləşdirilmiş Dövlət Akademik Musiqili Teatrın aktyoru Möylə Mirzəliyevin qızı Leyla Rəhimli bildirib.

"Hərdən təmaslara reaksiya da vermir. Huşu özündə olmur",- deyə L.Rəhimli söyləyib.

Qeyd edək ki, aktyor bir müddət əvvəl boyun fəqərələrində spinal stenoz diaqnozu ilə özəl tibb müəssisəsində transpedikulyar fiksasiya (implant) əməliyyatı olunub. Əməliyyat sonrası xəstədə yuxarı və aşağı ətrafların iflici qeydə alındığından uzun müddət digər tibb müəssisəsinin reanimasiya və intensiv terapiya şöbəsində müalicə edilib.