BAKI, 4 avqust. TELEQRAF
Fransada istilər və meşə yanğınları səbəbindən iqtisadi itkilər 3 milyard avrodan 6 milyard avroya yüksələ bilər.
Teleqraf xəbər verir bu barədə "Le Monde" qəzeti açıqlama yayıb.
Bildirilir ki, sığorta şirkətləri istilik dalğasının nəticələri ilə bağlı xərclərin bir hissəsini öz üzərlərinə götürəcəklər, lakin dövlət də əlavə xərclərlə üzləşəcək. Bu, hökumətin büdcə kəsirini azaltmaq planını əhəmiyyətli dərəcədə çətinləşdirə bilər.
Hökumət 2026-cı ilə qədər büdcə kəsirini ÜDM-in 5,1%-dən 5%-nə endirməyi hədəfləyirdi. Neft böhranı fonunda hakimiyyət orqanları artıq 9 milyard avro dəyərində əlavə qənaət tədbirləri elan ediblər, lakin bununla bağlı konkret xərclərdə ixtisarlar müəyyən edilməyib.
Qeyd edək ki, bir müddət əvvəl Fransanın iqtisadiyyat və maliyyə naziri Roland Leskyür daha əvvəl büdcə kəsirini ÜDM-in 5%-i səviyyəsində saxlamağın çətin olacağını etiraf etmişdi. Onun sözlərinə görə, hakimiyyət orqanları bu göstəriciyə mümkün qədər yaxınlaşmağa çalışacaqlar.
