BAKI, 11 aprel. TELEQRAF

Bu ilin yanvar-mart aylarında Dövlət Vergi Xidmətinin xəttilə dövlət büdcəsinə 4 milyard 380,6 milyon manata yaxın vergi daxil olub.

Dövlət Vergi Xidmətindən Telelqraf-a verilən məlumata görə, vergi daxilolmaları ötən ilin müvafiq dövrü ilə müqayisədə 98,9 milyon manat və ya 2,3 faiz artıb.

Qeyri-neft-qaz sektorundan daxilolmalar 3 milyard 226,4 milyon manatdan çox təşkil edib. 2024-cü ilin müvafiq dövrünə nisbətən bu sektordan vergi daxilolmaları 312 milyon manat və ya 10,7 faiz çox olub.

Qeyd edək ki, ödənilən vergilərin 73,7 faizi qeyri-neft-qaz sektorunun, 26,3 faizi isə neft-qaz sektorunun payına düşüb.