BAKI, 9 aprel. TELEQRAF

BVF-nin ekspertləri Azərbaycanda səlahiyyətli orqanların maliyyə təhlükəsizliyi şəbəkəsini və prudensial nəzarəti gücləndirmək istiqamətindəki davamlı səylərini alqışlayıb.

Teleqraf xəbər verir ki, Fondun analitikləri Mərkəzi Bankın (AMB), maliyyə sektorunda yeni tənzimləmələr və makroprudensial siyasətlərin tətbiqi ilə prudensial nəzarət, korporativ idarəetmə və risk idarəçiliyi standartlarını gücləndirmək üçün mühüm irəliləyişlər əldə etdiyini qeyd ediblər.

"Bu isə iqtisadi artımı dəstəkləmək üçün daha dayanıqlı bank sektorunun yaradılmasına imkan verir. Son dövrlərdə güclü kredit artımı və artan müsbət kreditin ÜDM-ə nisbətini nəzərə alaraq AMB 1 mart 2025-ci ildən etibarən bankların ümumi tənzimləyici kapitalının 0.5 faizi miqdarında əlavə kontr-tsiklik kapital buferi tətbiq etməyi qərara alıb. Həmçinin, yüksək depozit konsentrasiyasına malik banklar üçün daha yüksək ehtiyat tələbləri kimi likvidlik risklərini azaldan tədbirlər görülüb”.

Fond aşağıdakı makro-kritik sahələrdə daha da irəliləyişin əhəmiyyətini vurğulayıb:

1. Yerli sistem əhəmiyyətli bankların (D-SIB-lər) dayanıqlığının artırılması üçün differensiallaşdırılmış daha yüksək itkiyə dözümlülük buferi tələblərinin tətbiqi; (Yəni, bu banklardan daha çox kapital ("bufer") saxlamaları tələb olunmalıdır.)

2. Birləşdirilmiş nəzarət çərçivəsinin tam şəkildə qəbul edilməsini təmin etmək üçün hüquqi və prudensial addımların sürətləndirilməsi;