BAKI, 2 aprel. TELEQRAF

Bu ilin yanvar-fevral aylarında Azərbaycan Kosmik Agentliyi (Azərkosmos) dünyanın 37 ölkəsinə 2,7 milyon ABŞ dolları dəyərində peyk telekommunikasiya xidmətləri ixrac edib.

Teleqraf xəbər verir ki, bu barədə İqtisadi İslahatların Təhlili və Kommunikasiya Mərkəzinin açıqladığı “İxrac İcmalı”nın mart sayına qeyd edilir.

Bu, ötən ilin eyni dövrü ilə müqayisədə təxminən 10 faiz azdır.

Məlumata görə, Azərkosmosun xidmət ixracından əldə etdiyi gəlir onun ümumi gəlirlərinin 66 faizini təşkil edib.

2025-ci ilin ilk iki ayı ərzində 37 ölkədən 90-a yaxın şirkətə peyk telekommunikasiya xidmətləri ixrac olunub.

Xidmət ixrac olunan ölkələr arasında Birləşmiş Krallıq, Lüksemburq, Nigeriya, Misir, Türkiyə və Pakistan böyük paya sahibdir.