BAKI, 2 aprel. TELEQRAF

İqtisadi İslahatların Təhlili və Kommunikasiya Mərkəzi 2025-ci ilin yanvar-fevral dövrü üçün qeyri-neft sektoru üzrə qeyri-dövlət ixracatçı subyektlərinin reytinqini açıqlayıb.

Teleqraf xəbər veriri ki, 2025-ci ilin ilk iki ayında ən yüksək ixrac göstəricisinə sahib olan subyekt “AIMKL”nin Azərbaycan Respublikasındakı nümayəndəliyidir. Bu şirkət 14,5 milyon ABŞ dolları ixrac edərək birinci sırada yer alıb, 2024-cü ilin eyni dövründə isə yalnız 343,5 min ABŞ dolları ixrac etmişdi. İkinci sırada “MKT İstehsalat Kommersiya” MMC yerləşir, bu şirkət 2025-ci ildə 13,8 milyon ABŞ dolları ixrac edib, 2024-cü ildə isə bu rəqəm 19,2 milyon ABŞ dolları olub.

Eyni zamanda, bir çox yeni ixracatçılar da cədvəldə öz yerlərini tapıblar. “LEPIN LM” MMC, “Export Stream” MMC, “Sahdag Sy” MMC və “6LSYSTEMS” MMC kimi subyektlər 2025-ci ilin ilk iki ayında ixrac subyektlərinin sırasına qatılıblar. “LEPIN LM” MMC 9,5 milyon, “Export Stream” MMC 6,2 milyon, “Sahdag Sy” MMC 5,1 milyon və “6LSYSTEMS” MMC 5 milyon ABŞ dolları dəyərində ixrac reallaşdırılblar.

Bununla yanaşı, “Agrarco” MMC-nin ixracı 2025-ci ildə 5 milyon ABŞ dolları olaraq qeydə alınıb, halbuki 2024-cü ildə bu rəqəm 11,2 milyon ABŞ dolları olub, yəni bu sahədə azalma müşahidə olunub.