BAKI, 3 aprel. TELEQRAF

AFFA İntizam Komitəsi II Liqada çıxış edən "Hypers Guba" klubunun prezidenti Ayaz Abdullayevi cəzalandırıb.

Teleqraf xəbər verir ki, buna səbəb Abdullayevin XIX turun "Ağdaş"la ev oyunundan sonra hakimi təhqir etməsidir.

Klub rəhbəri 3 oyun şərti olmaqla 5 matçlıq diskvalifikasiya olunub. "Hypers Guya" isə 400 manat cərimələnib.

Həmçinin qubalıların məşqçisi Rəsul Babazadə meydana daxil olaraq hakimi təhdid etdiyinə görə 2 oyun cəza və komanda 100 manat cərimələnib. Klub 5 futbolçusunun sarı vərəqə alması səbəbindən 70 manat ödəməli olacaq.

89-cu dəqiqədə Baxşəli Baxşəliyev ciddi qayda pozuntusuna görə birbaşa qırmızı vərəqə aldığı üçün 2 oyunluq cəza və 150 manat cəriməyə məruz qalıb. 90+4-cü dəqiqədə Xaqan Məmmədov ikinci sarıdan qırmızı vərəqə aldığı üçün 1 oyun cəza, klub 50 manat cərimə ilə üzləşib.

Qarşılaşmada meydana kənar şəxslər daxil olduğuna görə “Hypers Guba” 80 manat ziyana düşüb.

Qeyd edək ki, II Liqanın XIX turunda keçirilən "Hypers Quba" - "Ağdaş" matçı 3:3 hesablı heç-heçə ilə yekunlaşıb.