BAKI, 3 aprel. TELEQRAF

Xocalı rayonunun Ballıca kəndində qaz təchizatı bərpa edilib.

Teleqraf xəbər verir ki, işğaldan azad olunan kənddə infrastrukturun yenidən qurulması çərçivəsində 130 fərdi yaşayış evi təbii qazla təmin edilib.

Hazırda 112 abonent fasiləsiz və dayanıqlı şəkildə mavi yanacaqdan istifadə edir.

Bundan əlavə, kənddə yerləşən Ballıca tam orta məktəbinin qazanxanası da təbii qazla təchiz olunub. Görülən işlər kənd sakinlərinin rahat yaşayışı üçün mühüm əhəmiyyət daşıyır.

Qeyd edək ki, Ballıca kəndi şəhər mərkəzindən 10.6 km məsafədə, Qarabağ silsiləsinin ətəyində yerləşir. 1988-ci ildən etibarən erməni vandalizminə məruz qalan kənd, 2023-cü ilin sentyabrında keçirilən lokal xarakterli antiterror əməliyyatları nəticəsində işğaldan azad edilib.