SUMQAYIT, 7 fevral. TELEQRAF

Sumayıtda dəm qazımndan zəhərlənən ailənin vəziyyəti açıqlanıb.

Sumqayıt Tibb Mərkəzindən Teleqraf-a bildirilib ki, Təcili Tibbi Yardım Xəstəxanasına və Uşaq Xəstəxana 4 nəfər (2 kişi, 2 qadın) hospitalizasiya olunub.

Dəm qazından zəhərlənmə diaqnozu təyin edilən pasiyentlərə zəruri tibbi xidmətlər göstərilib.

***

19:20

Sumqayıtda dəm qazından zəhərlənmə olub.

Teleqraf-ın yerli bürosu xəbər verir ki, hadisə şəhərinin 13-cü mikrorayonunda baş verib.

Bir ailənin dörd üzvü xəstəxanaya çatdırılıb.

Məlumata görə, hamam otağında yaranan qaz sızması səbəbindən 1991-ci il təvəllüdlü Vüsal Əliyev və 2001-ci il təvəllüdlü Natəvan Əliyeva zəhərlənərək Sumqayıt şəhər TTY xəstəxanasına yerləşdiriliblər. Onların vəziyyəti həkimlər tərəfindən orta-ağır qiymətləndirilir.

Hadisə zamanı ailənin iki azyaşlı övladı — 2025-ci il təvəllüdlü Mələk Əliyeva və 2022-ci il təvəllüdlü Vüqar Əliyev də dəm qazından zərər çəkib. Uşaqlar Sumqayıt şəhər Uşaq Xəstəxanasına aparılıb, hazırda müalicələri davam etdirilir.

Faktla bağlı müvafiq qurumlar tərəfindən araşdırma aparılır.