BEYLƏQAN, 19 dekabr. TELEQRAF
Beyləqanda kanalizasiya quyusuna düşərək ölən Uğur ailənin tək oğlu olub.
Teleqraf-ın Qarabağ bürosunun xəbərinə görə, bu barədə Uğurun atası Elmidar İmanov danışıb.
"Uşaq həyətdə oynayırmış, biz görməmişik. Axtaranda məlum oldu ki, kanalizasiya quyusuna düşüb" - ata əlavə edib.
Ailənin Uğurdan başqa daha iki qız övladı var.
***
14:08
Beyləqanda 2 yaşlı uşaq kanalizasiya quyusuna düşərək ölüb.
Teleqraf-ın Qarabağ bürosunun xəbərinə görə, hadisə rayonun Tatalılar kəndində baş verib.
Kənd sakini 2023-cü il təvəllüdlü İmanzadə Uğur Elmidar oğlu həyətlərində olan kanalizasiya quyusuna düşüb. Ailə üzvləri hadisədən gec xəbərləri olduğundan U.İmanzadə hadisə yerində ölüb.
Faktla bağlı araşdırma başlanıb.
