BAKI, 22 iyul. TELEQRAF
Kamçatkada Avaçin körfəzində 6,5 maqnitudalı zəlzələ baş verib.
Teleqraf xəbər verir ki, bu barədə Rusiya Elmlər Akademiyasının Vahid Geofiziki Xidmətinin Kamçatka filialı məlumat yayıb.
Zəlzələnin episentri Sakit okeanda, Petropavlovsk-Kamçatskidən 170 kilometr məsafədə, 51,2 kilometr dərinlikdə yerləşib.
Fövqəladə Hallar Nazirliyinin Kamçatka diyarı üzrə Baş İdarəsinin məlumatına görə, Petropavlovsk-Kamçatski və Vilyuçinsk sakinləri 4 bala qədər gücündə afterşokları hiss ediblər. Sunami təhlükəsi elan edilməyib.
Xatırladaq ki, iyulun 20-də Petropavlovsk-Kamçatski yaxınlığındakı akvatoriyada bir sıra zəlzələlər baş verib. Mütəxəssislərin qiymətləndirmələrinə görə, ən güclü təkanlar 7,6 bala çatıb.
