BAKI, 31 yanvar. TELEQRAF

Bu gün Azərbaycan Premyer Liqasında XVIII turun növbəti iki oyunu keçiriləcək.

Teleqraf xəbər verir ki, günün ilk matçında Yevlax şəhər stadionunda "Kəpəz" "Şamaxı"nı qəbul edəcək.

Baş hakim Cavid Cəlilovun idarə edəcəyi matç saat 14:30-da start götürəcək. Hazırda Azər Bağırovun kollektivi 12 xalla turnir cədvəlinin 11-ci, Ayxan Abbasovun komandası isə 20 xalla 7-ci pilləsində yer alır.

Günün ikinci görüşü isə "Zirə" və "Sabah" komandaları arasında baş tutacaq. Hazırda Rəşad Sadıqovun komandası 29 xalla turnir cədvəlinin 5-ci, Valdas Damraiskasın kollektivi isə 40 xalla ilk pilləsində yer alır.

Azərbaycan Premyer Liqası, XVIII tur
31 yanvar (şənbə)
14:30. “Kəpəz” – “Şamaxı”

Hakimlər: Cavid Cəlilov, Kamran Bayramov, Müslüm Əliyev, Kamran Əliyev

VAR: Fərid Hacıyev

AVAR: Asiman Əzizli

Hakim-inspektor: Munis Abdullayev

AFFA nümayəndəsi: İlham Əliyev

Yevlax şəhər stadionu

17:00. “Zirə” – “Sabah”

Hakimlər: Kamal Umudlu, Namiq Hüseynov, Vüsal Məmmədov, Əkbər Əhmədov

VAR: Rəvan Həmzəzadə

AVAR: Rəhman İmami

Hakim-inspektor: Orxan Məmmədov

AFFA nümayəndəsi: Erkin Hüseynov

Zirə İdman Kompleksinin stadionu

Xatırladaq ki, XVIII turun daha öncəki oyunlarında "Sumqayıt" səfərdə "Karvan-Yevlax"ı 2:0, "Qəbələ" evdə "İmişli"ni 3:0 hesabı ilə məğlub edib. Tura fevralın 1-də yekun vurulacaq.