BAKI, 3 aprel. TELEQRAF

“Araz-Naxçıvan” Azərbaycan Kubokunda 30-cu qolunu vurub.

Teleqraf-ın Peşəkar Futbol Liqasının rəsmi saytına istinadən məlumatına görə, yubiley yarımfinalın “Qarabağ”la ilk oyununa (1:0) təsadüf edib.

Matçdakı yeganə qolun müəllifi olan Felipe Santos Naxçıvan təmsilçisinin 30-cu topuna imza atıb.

Bu, klub tarixinin 19-cu kubok görüşündə baş verib.

Felipe həm də “Araz-Naxçıvan”ın 10-cu ev qolunun müəllifi olub. Bu, öz meydanındakı 9-cu qarşılaşmada qeydə alınıb.

Qeyd edək ki, “Araz-Naxçıvan” Azərbaycan kubokunda 2000/2001 mövsümündə debüt edib.