BAKI, 5 mart. TELEQRAF

"Araz-Naxçıvan"ın futbolçusu Kristian Avram Moldova yığma komandasına dəvət alıb.

Teleqraf klubun mətbuat xidmətinə istinadən xəbər verir ki, 31 yaşlı qapıçı DÇ-2026-nın seçmə mərhələsi çərçivəsində martın 22-də Moldovanın paytaxtı Kişinyovdakı Zimbru stadionunda Norveç yığması ilə oyun üçün heyətə daxil edilib.

“Araz-Naxçıvan”ın qolkiperi baş məşqçi Serqey Kleşenkonun şans verəcəyi təqdirdə Norveçə qarşı forma geyinəcək.