BAKI, 12 fevral. TELEQRAF

AFFA İntizam Komitəsi Azərbaycan Kubokunun 1/4 final mərhələsinin oyunlarında baş verənlərlə bağlı qərar qəbul edib.

Teleqraf xəbər verir ki, "Neftçi" səfərdə “Kəpəz”ə 2:0 hesabı ilə qalib gəldiyi oyundan sonra azarkeşləri tərəfindən pirotexniki vasitədən istifadə edildiyinə görə 1500 manat cərimə edilib.

"Zirə" isə səfərdə “Araz-Naxçıvan”a 0:1 hesabı ilə uduzduğu oyunda 4 futbolçusu sarı vərəqə aldığı üçün 700 manat ziyana düşüb.

“Səbail”in evdə “Qarabağ”a 0:1 hesabı ilə yenildiyi oyun bitdikdən sonra meydançaya kənar şəxslər daxil olublar. Bu səbəbdən, ev sahibi klub 800 manat cərimələnib.